«Dostyq» assambleıasy ıgi bastama jaǵynda

El erteńin búgin oılasaq utamyz

Qazaq ulttyq agrarlyq ýnıversıtetiniń stýdent­ jastary men oqý ornynyń stýdent­tik «Dostyq» assam­bleıasynyń músheleri Qazaqstan halqy Assambleıasynyń prezıdenttik saılaýdy merziminen buryn ótkizý týraly usynysyn qoldaý aksııasyn ótkizdi. Igi bastamaǵa ún qosqan jıyrma bir ulttyń ókilinen quralǵan ýnıversıtet jastary bas oqý ǵımaratynyń aldyna jınalyp, stýdenttik «Dostyq» bı ansamblimen birge «Dostyq» bıin bılep, ultaralyq tatýlyq pen birliktiń nyshanyn kórsetti. Ortaq iske jumylýǵa shaqyrǵan sharaǵa qatysýshy jastar Qazaq­stan halqy Assambleıasynyń usynysyn qoldaı otyra, kezekten tys prezıdenttik saılaý ótkizý bastamasyn halyq múddesine saı keletin eń durys sheshim dep sanaıtyndyqtaryn, bul – táýelsiz eldiń bolashaǵy úshin jasalatyn mańyzdy qadam ekenin atap ótti. Ýnıversıtet rektory, akademık Tilektes Espolovtyń bas­tamasymen qurylyp, byltyr óziniń 10 jyldyǵyn atap ótken «Dostyq» stýdenttik assambleıa­sy Almaty qalasyndaǵy orys, ýkraın, kúrd, uıǵyr, koreı, cheshen, túrik, polıak, belorýs, t.b. halyqtardyń Kishi assambleıalarymen, etnomádenı birlestikterimen tyǵyz baılanysta jumys isteıdi. Ýnıversıtette Qazaqstannyń joǵary oqý oryndarynyń arasynda birinshi bolyp Elbasy ıdeıa­synan týyndaǵan «Qazaqstan joly» tárbıe-bilim ortalyǵy qurylǵan. Stýdenttik «Dostyq» assambleıasynyń jumysy da osy ortalyq aıasynda júzege asýǵa tıis jańa talaptarǵa negizdelgen. Basty ustanym – qazaqstandyqtardyń memleketshil, patrıot jańa býy­nyn qalyptastyrý, jeke bas­tyń tabysqa jetý joldaryn úıretý ádistemesin damytý, eli­miz­diń Tuńǵysh Prezıdenti N.Á.Na­zarbaevtyń ómirlik usta­nym­­dary, jasampaz qyzmeti men bola­shaqqa qyzmet etetin ıdeıa­la­ryn paıdalaný arqyly stý­d­ent­terdi tyń bastamalarǵa qanat­tan­dyrý. Búgingi tańda beıbitshilik pen turaqtylyqty, yntymaq pen birlikti nyǵaıtýdyń, oǵan qoǵam men memlekettiń, elimizdiń barsha azamattarynyń kúsh-jigerin jumyldyrýdyń mańyzy zor. Osyǵan baılanysty, Qazaqstan halqy Assambleıasynyń usyny­­syn qoldaı otyra, Qazaq ulttyq agrarlyq ýnıversıtetiniń jas­tary merziminen buryn prezı­­­denttik saılaý ótkizý bastamasyn halyq múddesine saı keletin eń durys sheshim dep sanaıdy. Bul – táýelsiz eldiń bolashaǵy úshin jasalatyn mańyzdy qadam. Vladıslav SOI, QazUAÝ stýdenti, «Dostyq» stý­denttik assambleıasynyń múshesi: – Men «Dostyq» stýdenttik assambleıasynyń múshesimin. Bizdiń el damýshy elderdiń qatarynda. Munyń bári Elbasy Nursultan Nazarbaevtyń salıqaly saıasa­­­tynyń nátıjeleri. Biz Prezı­dentimizdi qoldaımyz. Saılaý ­ót­kizilgen jaǵdaıda Elbasyna ­daýys beremiz. El bolashaǵy – búgingi jastardyń qolynda. Sondyqtan da egemen elimizdegi turaqtylyq pen tatýlyq bizdiń keleshegimizdiń kepili bolmaq. Osyndaı tarıhı sheshýshi kezeńde barsha qazaqstandyqtar Elbasy ustanǵan strategııalyq baǵyttardy jumyla júzege asyryp, Elbasy tóńiregine toptasýy tıis dep sanaımyz. Tımýr TAMENOV, QazUAÝ stýdenti, «Dostyq» stý­denttik assambleıasynyń múshesi: – Búginde álemde qarjy-ekonomıkalyq daǵdarystyń jańa tolqyny taralyp, tipti, álemniń eń damyǵan elderiniń ózinde de túrli tolqýlar men dinı tózimsizdik órship, radıkaldyq qozǵalystar kúsh alýǵa aınaldy. Elbasy «Nur Otan» partııasy Saıası keńesiniń keńeıtilgen otyrysynda atap aıtqandaı, taıaýdaǵy jyldar jahandyq synaqtardyń ýaqyty bolady. Barlyq elder osy kúrdeli kezeńnen oıdaǵydaı óte almaıdy. Budan tek myqty memleketter, judyryqtaı jumylǵan halyqtar ǵana ótetin bolady. Osy oraıda, Qazaqstan Respýb­­­lıkasy Prezıdentin saılaýdy merziminen buryn ótkizý arqyly qazaqstandyqtardy odan ári bir maqsat, bir múddege toǵystyryp, osynyń nátıjesinde ózekti áleýmettik máselelerdi naqty sheshýge múmkindikter týatyny sózsiz. Rýslan VOROBEV, QazUAÝ stýdenti, «Dostyq» stý­denttik assambleıasynyń mú­shesi: – Men Qazaq ulttyq agrar­lyq ýnıversıtetiniń stýdentimin ári osy oqý ornyndaǵy «Dos­tyq» assambleıasynyń múshesi­min. Men óz dostarymmen birge, Qazaqstan halqy Assambleıasynyń merziminen buryn prezıdenttik saılaýdy ótkizýge baılanysty usynysyn qoldaımyn. El jas­tary qashanda Elbasymen birge. Prezıdentti saılaý – kúrdeli saıası oqıǵa. Bizdiń bolashaǵymyz kóp jaǵdaıda soǵan baılanysty, ıaǵnı ol halyqtyń bolashaǵy.  Qanat ESKENDIR, «Egemen Qazaqstan». ALMATY.

Damýdyń senimdi kepili

Biz qazaqstandyqtardyń qazirgi qyzmet etip otyrǵan Memleket basshysyna senim artýyn erekshe túsinistikpen qabyldaımyz. Bul Qazaqstan halqyna «Nurly Jol – bolashaqqa bastar jol» Joldaýyn, árbir qazaqstandyqtyń jaıly turmysy jolyndaǵy ındýstrııa­landyrý baǵdarlamasyn júzege asyrýdyń kepili bolyp tabylady. Búgingi tańda «Qazaqstan temir joly» UK» AQ-tyń elimiz­degi ekonomıka kóshbasshysy qatarynan tabylýy el Prezıdenti Nursultan Nazarbaevtyń qoldaýy nátıjesinde júzege asyryldy. QTJ óziniń ne­gizgi mindeti júk jáne jolaý­shy­lar tasymalyn toqtaýsyz júzege asyrýmen qatar, jańa ­temirjoldardy salý, temirjol ınfra­quryly­myn damy­tý, jyljymaly quramdy jań­ǵyrtý ar­qy­ly elimiz­diń eksporttyq jáne tran­­­zıttik áleýetin arttyrýǵa mol úles qosyp keledi. Qazaqstanda Ulttyq kompanııanyń arqasynda 2014 jyly 200 mıllıard teńgeniń ónimin shyǵaratyn mashına jasaý klasteri júzege asyryldy. Buryn da, jańa tarıhynda da temirjol salasy mundaı kópsalaly damýdy basynan ótkizbegen bolatyn. Qazirgi tańdaǵy álemdik daǵda­rys pen TMD aýmaǵyndaǵy geosaıa­sattaǵy qıyndyqtarǵa bir ǵana ­jaýap – Qazaqstan halqy Assamb­leıa­sy Keńesiniń prezıdent­tik saılaý­dy merziminen buryn ótkizý týraly bastamasyn qoldaý. Bul elimizdiń bolashaqtaǵy turaqtylyq pen jańǵyrýynyń, damýynyń senimdi relske túsýiniń kepili bolyp tabylady. Nyǵmetjan ESENǴARIN,  ekonomıka ǵylymdarynyń doktory, Keńes Odaǵynyń jol qatynastary mınıstriniń orynbasary, Qazaqstan Respýblıkasy Premer-Mınıstriniń birinshi orynbasary qyzmetterin atqarǵan.

Táýelsizdikti  tuǵyrlandyrý qadamy

Men Qazaqstan halqy Assam­b­leıasynyń múshesi retinde, Qazaq­stan Respýblıkasynyń Prezıdentin merziminen buryn saılaý týraly Parlament Májilisindegi depý­tattyq toptyń bastama kóterýine úndeý joldaǵandar qatarynda bolǵanymdy maqtan etemin. Bul álemdik ekonomıkalyq daǵdarys pen kúrdeli geosaıası jaǵdaı barshamyzdy alańdatqan tustaǵy birden-bir durys sheshim ekendigi anyq. Qazaqstan jáne ondaǵy kópultty halyqtyń Kóshbasshysy Nursultan Nazarbaevtyń batyl bastamalary, kóregen saıasaty elimizdi jedel damytyp qana qoımaı, jer-jahan úlgi etetindeı jaǵdaıǵa kóterdi. Sondyqtan, búgingi uıǵarymnyń tórkinin daǵdaryspen ǵana baılanystyrýǵa negiz joq. Nursultan Ábishulynyń óz sózimen aıtqanda, elimiz budan burynǵy daǵdarystardy da tabysty eńsere bilgen. Másele – Táýelsizdigimizdi tuǵyrlandyryp, «Máńgilik Eldiń» tórine ozý. Men Prezıdenttiń otyz jyldan astam ýaqyttan bergi serigi, alǵashqy jurt sengen ókiliniń biri retinde Nurekeńniń jan-júregi elim dep soǵatynyn jaqsy bilemin. Táýelsizdik – Qazaqstan halqynyń ortaq ıgiligi, qymbat qundylyǵy! Osy turǵydan alyp qaraǵanda, únemi shyńdalýmen shynyqqan ortaq Otanymyzdy qazirgi syn-qaterlerden oıdaǵydaı alyp shyǵýy úshin, aldaǵy úlken josparlarymyzdyń oryndalýy úshin, bolashaǵymyzdyń jarqyn bolýy úshin elimizdiń Prezıdenti Nursultan Nazarbaevqa jańa senim mandatyn berýimiz qajet. Elimiz óziniń batyl ustanymy men strategııalyq maqsattarynan taımaýy kerek. Jaqsylyqtyń, úkili úmittiń jetegindegi halqymyz Elbasyn qoldaý arqyly, onyń janyna toptasý arqyly erteńgi eńseli kúnderge jetetinine, úrim-butaǵynyń baqytty bolatynyna kámil senedi. Ibragım JANǴORAZOV,  «Ijevskıı» agrofırmasynyń dırektory, Sosıalıstik Eńbek Eri,  «Dostyq» ordeniniń ıegeri. Aqmola oblysy, Arshaly aýdany.

Mańyzdysy – turaqtylyq pen órkendeý

Qazaqstan halqy Assambleıasy óte oryndy usynys jasap otyr. О́ıtkeni, táýelsizdik alǵaly beri elimizdegi turaqtylyq pen órkendi ózgeristerdiń bastamashysy bolǵan Tuńǵysh Prezıdentimiz Nursultan Nazarbaevtyń eńbegi eren ekeni barshaǵa aıan. Kóp etnos­ty Qazaqstan jurtshylyǵy árkez elimizdegi tatýlyq pen birliktiń berik, otandyq ekonomıkanyń keń qanat jaıyp, álemdegi barsha elmen básekeles bolýyn qa­laıdy. Árıne, aıtýǵa ońaı bol­ǵanmen, munyń bárine bir mezette qol jetkizý áste qıyn. Mine, máselege osy turǵy­dan­ úńilgende, bizdegi ekonomı­ka­lyq qarqyndy damý men saıa­sı turaq­tylyqtyń budan by­laı­ǵy ýaqytta da saqtalýynyń aıryqsha mańyzy bar. Al elimiz­degi turaqtylyq pen órkendeý­diń birden-bir kepili – Tuńǵysh Pre­zıdentimiz Nursultan Nazarbaev. Endeshe, biz prezıdenttik saılaýdy merziminen buryn ótkizýdi qoldaýymyz qajet. Bul ne úshin qajet? Birinshiden, álem elderi qarjy daǵdarysynyń qyspaǵynda qalyp jatqanda Qazaqstandaı ortaq Ota­nymyz TMD memleketteri ishin­de ekonomıkalyq kórset­kish­­­­teri­men kóshbasshylyq deń­geıge kóterildi. Halyqtyń ál-aýqa­ty jaqsaryp, jańa jumys oryn­dary molynan ashylyp jatyr. Shaǵyn jáne orta bıznes ókilderine memleket tarapynan qoldaý jasalyp, salyq júkte­meleri jóninde jeńildikter jasal­dy. Mektepter men aýrýhana­lar jańardy. Otandyq ónim óndi­retin zaýyttar men fab­rı­ka­lar qatary kóbeıdi. Osynyń bári Qazaqstanymyzdy daǵda­rys­tyń­­ talaıynyń qyspa­ǵyn­da qal­dyr­maı, halqymyzdyń turmy­sy­ tómendemeýine oń serpin berip otyr. Ekinshiden, sońǵy kezderi ózge elderdi aıtpaǵannyń ózinde, TMD memleketteriniń birazynda san alýan qaqtyǵystar, janjaldar men arty dúrdarazdyqqa ulasqan sherýlerge kýá bolyp júrmiz. Mundaı oqıǵalar sol elderdegi saıası turaqsyzdyqtyń, halyqtyń áleýmettik turmysynyń tómendiginiń áserinen bolatyny daýsyz. Shúkir dep aıtaıyq, bizdiń elimizde saıası turaqtylyqqa, etnostar arasyndaǵy birlik pen ta­týlyqqa syna qaǵylǵan joq. Osyndaı sebepterdi oı eleginen ótkizip, aldaǵy kúnderimizdiń budan da jarqyn bolýy jolynda Nursultan Nazarbaevtyń elimizdi basqara berýin qamtamasyz etýi­miz qajet. Ol úshin, árıne, Qa­zaqstan Respýblıkasynyń Pre­zıdentin saılaýdy merziminen buryn ótkizgen jón. Osy oraıda, Qazaqstan halqy Assambleıasy Keńesiniń usynysyna shyn júregimmen qoldaý bildiremin. Zýrab BOBOHIDZE, «Iverııa» grýzın etnomádenı birlestiginiń jetekshisi. Atyraý oblysy.